बजेटले चलचित्र क्षेत्रलाई पनि भरथेग

आर्थिक वर्ष २०७७/७८ को बजेटप्रति चलचित्र क्षेत्रले मिश्रित प्रतिक्रिया दिएको छ ।

‘लकडाउन’का कारण ठूलो मारमा परेको यो क्षेत्रले आशा गरेजति मागको सम्बोधन नभएपनि बजेटले चलचित्र क्षेत्रलाई पनि भरथेग गर्न खोजेको बताएका छन् ।

बिहीबार संसदमा प्रस्तुत बजेटमा चलचित्र छायाँकनस्थललाई प्राथमिकता दिने र हरेक प्रदेशमा छायाँकनस्थल निर्माण गर्ने घोषणा गरिएको छ ।

हुन त अघिल्लो वर्ष नै ‘छायाँकनका लागि नेपाल’ कार्यक्रम सुरुआत गर्ने घोषणा गरिएकोमा त्यसको कार्यान्वयन हुन सकेको छैन ।

यस्तै, मौलिक फिल्म निर्माणलाई प्राथमिकता दिने, राष्ट्रियता, राष्ट्रिय एकता, भाषा र संस्कृतिको संरक्षण र सम्वर्द्धन गर्ने चलचित्र निर्माणलाई प्रोत्साहन गर्ने विषय बजेटमा परेको छ ।

साथै, चलचित्र कलाकार संघको भवन निर्माण तथा नेपाली चलचित्रको सुरक्षित भन्डारणका लागि आवश्यक बजेट विनियोजन गरिएको पनि अर्थमन्त्रीले बताएका छन् ।

लकडाउनबाट चलचित्र क्षेत्रमा परेको प्रभावलाई मध्यनजर गर्दै इजाजतपत्र र उपकरणको नवीकरण दस्तुरमा छुट दिने, चालू पुँजीका लागि कर्जा सुविधा र लकडाउन अवधिका लागि बैंक ग्यारेन्टीको व्यवस्था मिलाइएको पनि उल्लेख छ ।

सिनेमा हलको मूल्य अभिवृद्धि करको विवरण, कर दाखिला गर्ने अवधि चौमासिक बनाइएको र विद्युत् डिमान्ड शुल्क ५० प्रतिशत कम गरिएको छ ।

याे पनि पढनुहाेस्।

Leave a Reply

Your email address will not be published. Required fields are marked *

techera innovation promote web banner