फिफाद्वारा यस बर्षको ‘द वेस्ट अवार्ड’ रद्द

एजेन्सी । विश्व फुटबलको सर्वोच्च निकाय फिफाले यस बर्षको द वेस्ट अवार्ड रद्द गर्ने निर्णय गरेको छ । फिफाले हरेक बर्ष विभिन्न विधामा उत्कृष्ट अवार्ड प्रदान गर्दै आएको छ ।

यस बर्षको अवार्ड कार्यक्रम सेप्टेम्बरमा ईटालीको मिलानमा तय गरिएको थियो । कोरोना महामारीले कार्यक्रम गर्न नसकिने भन्दै फिफाले अवार्ड रद्द गरेको हो ।

फिफा अध्यक्ष जियानी ईन्फान्टिनोले यस महामारीको सुरुवातमै अधिकतम सावधानी अपनाएर बिषयको समाधान गरिने स्पष्ट पारेका थिए ।

फिफाले यसअघिनै, यू–२० र यू–१७ महिला विश्वकप सन् २०२१ फेब्रुअरीसम्म स्थगित गरेको छ । यस्तै फुटसल विश्वकप समेत सन् २०२१ सम्मका लागि स्थगित गरिएको छ ।

फिफाले क्लब विश्वकप मात्र अहिलेसम्म स्थगित गरेको छैन । प्रतियोगिता डिसेम्बरमा अबुधाबीमा हुने तय गरिएको छ । कोरोनाका कारण विश्वभरको फुटबल गतिविधि प्रभावित छ ।

युरोपका शीर्ष डिभिजनकै लिग रद्द हुने अवस्थामा छन् । केही लिगको अवरुद्ध खेल पुन सुरु गर्ने गृहकार्य भईरहेको छ । 

याे पनि पढनुहाेस्।

Leave a Reply

Your email address will not be published. Required fields are marked *